De volta do verán con novidades

En VideodinamizARTE estamos de volta do verán e vimos cargadas de forzas e novidades para o novo curso.
Para comezar participaremos o próximo día 26 de setembro en Santiago de Compostela nas Xornadas “A creatividade para a empregabilidade”. Ás 18:45 contaremos as nosas experiencias coas Iniciativas Xuvenís dentro do programa europeo Xuventude en Acción, co que puxemos en marcha o ano pasado o Proxecto Rotapala e no 2011 Dinamizarte.
Esta foi a nosa primeira iniciativa, e partía da idea de achegar a linguaxe audiovisual como medio para a expresión creativa orientada á reflexión e crecemento persoal.

Cartaz

As xornadas están organizadas pola Dirección Xeral de Xuventude e pretenden fomentar o espíritu emprendedor entre os mozos e mozas, cultivar a imaxinación e creatividade aplicada ao autoemprego, así como ofrecer un espazo para a adquisición de habilidades e intercambio de boas prácticas. O prazo de inscripción está aberto ata o 15 de setembro. No enlace sinalado tedes toda a información e o programa de actividades.