Novo trailer cos traballos do 2013

O 2013 foi un ano importante para VideodinamizARTE. Puidemos poñer en marcha varios proxectos, coñecimos a moita xente e compartimos moitas experiencias.
Hoxe queremos presentarvos unha recopilación dalgúns dos traballos que realizaron os nosos participantes nos diversos obradoiros que realizamos ao longo do ano.
Non son todos os que están, pero están todos os que son. Como podedes comprobar as miradas son tan diversas como diferentes son as persoas que acuden ás nosas propostas. Un mosaico de encadres sobre á vida cotiá que axudou aos participantes a poñer atención ao mundo que lles rodea, materializando as súas emocións e pensamentos en imaxes e sons. Todos eles foron autónomos no proceso de creación dun proxecto audiovisual pasando por todas as súas fases. Porque en VideodinamizARTE o proceso é tan importante coma o resultado. E hoxe queríamos compartir unha pequena mostra de todas esas olladas persoais que nos acompañaron ao longo do 2013.
Recordade tamén que o luns comezamos novo obradoiro en Santiago de Compostela e aínda estades a tempo de inscribirvos.
Trailer 2013